Лондон мэрі қала орталығында Маргарет Тэтчерге ескерткіш орнатуды ұсынды

Ұлыбритания астанасының мэрі Борис Джонсон өткен дүйсенбіде 87 жасында дүниеден озған бұрынғы премьер-министр Маргарет Тэтчерге қала орталығында ескерткіш орнатуға ниеттеніп отыр.

Осыған орай қала басшысы әрі Маргарет Тэтчердің партияласы лайықты орын қарастыруды тапсырды. Бұл туралы британдық БАҚ-тар хабарлады.

Мэрдің пікірінше, баронесса Тэтчер қаланың орта тұсында ескерткіш орнатуға  лайықты еңбек сіңірді.

Маргарет Тэтчердің мүсіні 2007 жылы Ұлыбританиялық парламенттің мәжілісі өтетін - Вестминстер сарайында қойылды.  

Inform.kz