Бүгін - Дүниежүзілік театр күні

Дүниежүзілік театр күні 1961 жылы Халықаралық театр институтының ІХ конгресімен бекітілді және жыл сайын 27 наурыз күні ІТІ Орталықтармен және халықаралық театр қоғамдастықтарымен атап өтіледі.

Дүниежүзілік театр күніне арналған алғашқы халықаралық үндеуді 1962 жылы француз жазушысы және суретшісі Жан Кокто жазды.

«Театр» сөзі көне гректердің theatron (θέατρον) сөзінен шыққан және «тамашалайтын орын» деген мағынаны білдіреді. Дәстүрлі түрде театрда анағұрлым танымал екі жанр ойналады - комедия және трагедия, бұл екі жанрды бейнелейтін театр маскалары символға айналды.

Деректерге сүйенсек, тұңғыш театрлық қойылым біздің дәуірімізге дейін 2500 жыл болған. Алғашқы театрлық ойын Мысырда қойылды, оның сюжетіне мысыр аңызының образдары - Осирис құдайының хикаялары енді.

ҚазАқпарат.