ОҚО-да республикалық «Наурыз» айтысы мәреге жетті

Оңтүстік Қазақстан облысы әкімдігінің ұйымдастыруымен Шымкенттегі Ж.Шанин атындағы қазақ драма театрында  Ұлыстың ұлы күніне арналған республикалық «Наурыз» айтысы аяқталды, деп хабарлайды Baq.kz тілшісі.
Шараның мақсаты - қазақтың тарихи тұлғалары Төле бидің 350 және Абылайханның 300 жылдықтарына арналады және айтыс өнері арқылы көнеден келе жатқан дәстүрлі «Наурыз» мерекесін дәріптеу,  еліміздің тәуелсіздік жылдарындағы жетістіктерін,  ұлттар мен ұлыстардың мызғымас татулығы мен достығын,   қазақ халқының салт-дәстүрі мен  әдет-ғұрпын кеңінен насихаттау. Республикалық «Наурыз» айтысы алғаш рет 2004 жылы ұйымдастырылған-ды, биыл  10-шы рет өтіп отыр. Биылғы дүбірлі додаға астаналық Айнұр Тұрсынбаева,   Еркебұлан  Қайназаров, Әсем Ережеқызы, қызылордалық Мұхтар Ниязов пен Нұрмат Мансұров,   батысқазақстандық Жансая Мусина, жамбылдық Асхат Қылышбек, керекулік Аспанбек Шұғатаев, ақтөбелік Аян Сейітов,  оңтүстікқазақстандық Бекарыс Шойбеков, Маржан Есжанова, Жарқынбек Наушабеков, Ақмарал Леубаева, Анар Жаппарқұлова, Карима Ораловалармен қатар жас ақындар арасынан іріктелген Қалижан Білдашов, Біржан Байтуов, Нұрлан Есенқұлов, Асхат Садықбеков,Тұрар Тілеулиев, Гүлзия Қалымбетова, Қажымұқан Абзаловтар қатысты.