Алматыда «Гавайлық толқын» атты спартакиада басталды (видео)

Алматы қаласында мектеп оқушылары арасында «Гавайлық толқын» деп аталатын спартакиада басталды.
Ұйымдастырушылар қаладан шалғай орналасқан елдімекендердегі оқушыларды үлкен бассейнге әкеліп, түрлі жарыстар ұйымдастыруда. Алғашқы жарыс күні Еңбекшіқазақ ауданындағы мектептердің оқушылары сынға түсті. Олар су спорт түрлерінен эстафеталық жарыстар бойынша өзара мықтыны анықтады. Алғашқы кезеңнен сүрінбей өткен Терешкова және Островский орта мектебінің оқушылары финалға жолдама алды. Енді, Қарасай ауданының мектептері сынға түседі. Үздік шыққандар наурыз айында жүлделі орындарды өзара бөліспек.