Көрермен көзайымына айналған көрме (видео)

Қостанайлық суретші Руслан Цецоев шығармаларын жерлестерінің назарына ұсынды. Көрмеге қырықтан астам туынды қойылған.

Ондағы кескіндеме суреттер автор өмірінің түрлі кезеңдерін қамтиды. Мұнда 1984 жылы жазылған дүниелер де бар. Қостанайлық қылқаламшы мысықтарды бейнелеуге әуес. «Мысақай», «Ит пен мысық», «Ала мысық» сияқты гуашпен жазылған суреттер еріксіз көңіл аудартады. Сыншылар Руслан Цецоев шығармашылығына жоғары баға береді.

Анар СЕЙІТЖАН, көрмені таныстырушы:

- Өнер танушылар оның шығармашылығындағы лирикаға ерекше көңіл бөледі. Оның еңбектерінде табиғат, жан-жануар, құстар мен аңдар кең ауқымда бейнеленген. Мұны суретшінің ішкі дүниесі, әлемді өзінше танып білуі деп қарауымыз керек.