Мәнерлеп сырғанаудан жасөспірімдер бақ сынасты (видео)

Шымкент қаласында мәнерлеп сырғанаудан жасөспірімдер арасындағы республикалық ІІІ қысқы спартакиада өтті.
Бес күнге созылған жарыс қорытындысы бойынша қыздар арасында алматылық Айза Мамбекова, қарағандылық Эльвира Теміровалар жеңімпаз атанды. Ал ерлер арасында алматылық Даниял Әділов, Әбіш Байтқанов, қарағандылық Мелс Хакімовтар барлық қарсыласынан үздік шықты. Жалпыкомандалық есепте Алматы облысының спортшылары бірінші орынға орналасты. Үздік үштікті Қарағанды мен Астана құрамалары түйіндеді. Жарыс нәтижесі бойынша ең үздік өнер көрсеткен спортшыларға «спорт шебері» атағы берілді.