БҚО-да көліктерге ұрлыққа түскендер ұсталды

БҚО-да полиция қызметкерлері бірнеше көліктен ұрлық жасаған күдіктілерді ұстады, деп хабарлайды El.kz ақпарат агенттігі.

Жедел-іздестіру іс-шараларының нәтижесінде криминалдық полиция қызметкерлері Зашаған кентінің аумағында автокөліктерден ұрлық жасаған Ақжайық ауданының екі тұрғынын қолға түсірді. Ұсталғандардан сегіз автокөлік антеннасы, екі телефон және басқа да бір көлік құрылғысы тәркіленді.

Тексеру кезінде ұрлықтың түнде, аулаларда тұрған көліктерден жасалғаны анықталды. Қазіргі уақытта күдіктілерге қатысты ұрлық фактілері негізінде 8 эпизод бойынша сотқа дейінгі тергеу амалдары жүргізіліп жатыр. Олардың басқа да осыған ұқсас қылмысқа қатысы бар-жоғы анықталып жатыр.