Бокстан М.Ділдәбеков жүлдесіне арналған турнир өз мәресіне жетті

Түркістанда бокстан Мұхтархан Ділдәбековтің жүлдесіне арналған XIII халықаралық турнир өз мәресіне жетті, деп хабарлайды El.kz ақпарат агенттігі. 

Дүбірді додаға Әзербайжан, Тәжікстан, Өзбекстан, Қырғызстан және Қазақстанның барлық аймағынан 140-тан аса спортшы қатысты. Барлық 10 салмақ дәрежесінде Қазақстан боксшылар жеңімпаз атанды.

Үздік бес команда:
Алматы қаласы - 3 алтын, 1 күміс, 2 қола; 
Қарағанды облысы - 3 алтын, 2 қола; 
Түркістан облысы - 1 алтын, 3 күміс, 2 қола; 
Астана қаласы - 1 алтын, 1 күміс, 1 қола; 
Жамбыл облысы - 1 алтын, 1 күміс, 1 қола.