Басты
Жаңалықтар
Спорт
Боксшы Серік Теміржанов қарсыласын нокаутқа түсірді

Боксшы Серік Теміржанов қарсыласын нокаутқа түсірді

Мадина Асылбекова
Фото: ҚР ҰОК

Қазақстандық боксшы Серік Теміржанов Дубайда (БАӘ) Халықаралық бокс қауымдастығы (IBA) ұйымдастырып жатқан әлем чемпионатында екінші жекпе-жегін өткізді, деп хабарлайды El.kz интернет порталы.

60 келіге дейінгі салмақта ол замбиялық Эндрю Чилатамен кездесіп, қарсыласын екінші раундта нокаутқа түсірді.

2021 жылғы әлем чемпионатының күміс жүлдегері және 2025 жылғы Қазақстан чемпионы атанған Серік Теміржанов осылайша ширек финалға өтті. Ал оның қарсыласы жарысты осы кезеңде аяқтады.

Еске салайық, Теміржанов турнирді моңғолиялық Цэндбаатар Эрдэнэбатқа қарсы айқын жеңіспен (5:0) бастаған болатын.

IBA ұйымдастырған әлем чемпионаты 13 желтоқсанға дейін жалғасады. Турнирдің жалпы жүлде қоры – 8,32 миллион доллар.

Серік Теміржанов Дубай әлем чемпионаты
Қысқа да нұсқа. Жазылыңыз telegram - ға

Оқи отырыңыз

{