Боксшы Карина Ибрагимова Олимпиаданың ширек финалына өте алмады

Бокстан қыздар арасындағы Ұлттық құрама спортшысы Карина Ибрагимова Париж Олимпиадасындағы алғашқы жекпе-жегін сәтсіз аяқтады, деп хабарлайды El.kz ақпарат агенттігі.

Отандасымыз 1/8 финалда Ашлиян Лозада Моттаға (Пуэрто-Рико) есе жіберіп, ширек финалға өте алмады. 

Еске салсақ, бұған дейін боксшы Нұрбек Оралбай Олимпиаданың финалына өткені туралы жаздық. 

3 тамыз сағат 00.20-да Ұлттық құраманың тағы бір боксшысы Сәкен Бибосынов Өзбекстан елінің намысын қорғайтын Хасанбой Дусматовпен сынға түседі.