Биыл көліктің барлық түрімен 639,7 млн жолаушы тасымалданды

Бұл өткен жылдың сәйкес кезеңіне қарағанда 11,9% артық, деп хабарлайды El.kz ақпарат агенттігі.

Оның ішінде ең жоғары өсім әуе көлігімен тасымалданған жолаушылар бойынша – 30,1%, троллейбуспен тасымалданған жолаушылар саны 22,5% өскен. Автобус және пойызбен тасымалданған жолаушылар санының өсімі тиісінше 12,1% және 9,3%. Бұл ретте трамваймен тасымалданған жолаушылар саны 25%, такси жолаушыларының саны 2,2% азайған. 

Аталған кезеңде жолаушылар айналымы 27,6 млрд ж-км құрады, көрсеткіш 17,1% артты. 

Айта кетейік, тасымалданған жолаушылардың 29,3% Алматы қаласына тиесілі, сондай-ақ алғашқы үштікте Астана мен Қарағанды облысы, тиісінше 12,5% және 7,7%.