Бейбіт Шүменовтен басқа тағы екі қазақстандық спортшыға іздеу жарияланған

Астанадағы сауда үйінде қолында баласы бар ер адамды ұрған боксшы Бейбіт Шүменовтен өзге тағы екі спортшыға халықаралық іздеу жарияланған. Бұл туралы Elorda.info сайтына сілтеме жасай отырып Еl.kz ақпарат агенттігі хабарлайды.

Qamqor.gov.kz сайтының дерегіне жүгінсек, Артур Ардавичиус есімді 52 жастағы белгілі қазақстандық автошабандозды ҚР Сыбайлас жемқорлыққа қарсы іс-қимыл агенттігінің Астана қаласы бойынша департаменті іздеп жатқанына 1 320 күн (2019 жылдың 14 желтоқсанынан бастап) болған. 

Естеріңізде болса, Астанадағы «Мегада» төбелес ұйымдастырған бұрынғы әлем чемпионы Шүменовке екі күн бұрын іздеу жарияланған.

Оқи отырыңыз:

• Петропавлда мектеп мұғалімі оқушылар арасында діни үгіт-насихат жүргізген
• Қазақ файтері Дамир Ысмағұлов UFC-мен келісімшартын аяқтады

Сыбайлас жемқорлыққа қарсы іс-қимыл агенттігі сптортшыны не үшін іздеп жатқандығын төмендегіше түсіндіріпті. 

Сыбайлас жемқорлыққа қарсы қызмет 2016-2017 жылдары Қазақстанда автоспортты дамытуға бөлінген қаражатты «Astana Motorsports» командасының директоры және капитаны Артур Ардавичустың оқу-жаттығу жиындары мен жарыстар өткізу өтініштерін асыра көрсетіп, 800 миллионнан астам теңгені ұрлап кеткені анықталды, - делінген дереккөзде келтірілген мәліметте.

Одан бөлек, Бахтияр Байсейітов есімді 70 жастағы футбол ардагеріне іздеу жарияланғанына 244 күн (2022 жылдың 24 қарашасынан бері) болған. 

Тергеу барысында Бахтияр Байсейітов Қайрат Сатыбалдыұлымен туыс болуын қолданып, бақылауындағы компанияны Iri building ЖШС лоббилендіріп отырғаны анықталды. «Қаратау» ЖШС кәсіпорны мен квазимемлекеттік сектор субъектісімен 2019 жылы «Қаратау» кеніші бойынша 6,2 миллиард теңгеге құрылыс жұмыстарына шарт жасасты. Қазіргі кезде мемлекетке келтірген залалы 320 млн теңгеден асқан, - делінген Антикор таратқан ақпаратта.