«Барселона» футболшыларына таңғы ас пен түскі ас беруді тоқтатты

«Барселона» резервтегі команда ойыншылары үшін таңғы ас пен түскі асты алып тастады. Бұл туралы Relevo-ға сілтеме жасай отырып El.kz ақпарат агенттігі хабарлайды.

Дереккөз мәліметінше, каталон клубы резервтегі ойыншыларға тамақ дайындайтын компания қызметінен бас тарту туралы шешім қабылдады. Бұған дейін «Барселона Атлетик» командасының ойыншылары жаттығудан соң таңғы асқа немесе түскі асқа қала алатын. Ол міндетті болған жоқ, дегенмен клуб осындай қызмет ұсынып келді.

Алайда қаржылық қиындықтарға байланысты «Барселона» басшылығы бұл тәжірибеден бас тартуды жөн көрді. Бір жағынан, шығын ақталмайды екен, себебі футболшылардың көбісі бәрібір үйіне кететін көрінеді.

Мұны бапкер де қолдап отыр. Маман шәкірттерінің үйлерінде тамақтанып, сонан соң тынығып келгенін жөн көреді екен.