Азияның ең қымбат футболшылары: тізімде қазақстандық ойыншы жоқ

Топ-5 лигада футбол маусым аяқталып, жанкүйерлер Әлем чемпионатын асыға күтіп жүр. Маусым қорытындысы шығып, түрлі рейтинг жаңарды. Соның бірі – Transfermarkt порталы жариялаған Англия Премьер-лигасында доп тебетін футболшылардың трансферлік құны. Нәтижесінде, Азиядағы ең қымбат футболшының кім екені анықталды. 

Порталдың мәліметіне сәйкес, өзбекстандық қорғаушы, «Манчестер Сити» ойыншысы Абдуқодир Хусановтың трансферлік құны 50 миллион еуроға бағаланған. Үздік үштікте жапониялық Кайсю Сано мен Такефуса Кубо бар. Азияның ең қымбат футболшылары рейтингіне Өзбекстаннан – бір, Жапониядан – жеті, Оңтүстік Кореядан екі футболшы кірді. 

Азиядағы ең қымбат футболшылар: 

1.  Абдуқодир Хусанов (Өзбекстан, "Манчестер Сити") — 50 млн еуро
2.  Кайсю Сано (Жапония, "Майнц") — 40 млн еуро
3. Такефуса Кубо (Жапония, "Реал Сосьедад") — 30 млн еуро
4. Ли Кан Ин (Оңтүстік Корея, ПСЖ) — 28 млн еуро
5. Юито Судзуки (Жапония, "Фрайбург") — 24 млн еуро
6. Каору Митома (Жапония, "Брайтон") — 22 млн еуро
7. Ким Мин Джэ (Оңтүстік Корея, "Бавария") — 20 млн еуро
8. Зион Судзуки (Жапония, "Парма") — 20 млн еуро
9.  Хироки Ито (Жапония, "Бавария") — 18 млн еуро
10. Аясе Уэда (Жапония, "Фейеноорд") — 17 млн еуро

Қай қазақстандықтың нарықтағы құны қымбат?

Иә, «Азиядағы ең қымбат футболшылар» тізімде қазақстандық футболист жоқ. Transfermarket дерегінше, «Қайрат» ойыншысы Дастан Сәтбаев пен ресейлік «Ахматта» доп тебетін Максим Самородовтың құны бірдей – 3 млн еуро.

Ал «Динамо Москва» клубында ойнайтын Бахтиер Зайнутдиновтың бағасы – 2,5 млн еуро. «Зениттің» орталық қорғаушысы Нұралы Әліптің құны – 2 млн еуро. Шотландияның «Хартс» клубының шабуылшысы болып жүрген отандасымыз Ислам Чесноковтың нарықтағы бағасы – 1,2 млн еуро.