Азия ойындарында алғашқы алтын бұйырды

Қытайдың Ханчжоу қаласында өтіп жатқан ХІХ жазғы Азия ойындарында алғашқы алтын жүлде түсті, деп хабарлайды El.kz ақпараттық агенттігі.

Стенд атудан скит бағдарламасы бойынша сынға түскен әйелдер құрамасы финалда Азия ойындарының рекордын жаңартып, чемпион атанды.

Команда құрамында Зоя Кравченко, Әсем Орынбай, Ольга Панарина болды.

Айта кетейік, бұған дейін Қазақстан нысана көздеуден бір күміс, екі қола медаль жеңіп алған еді.