Қазақстандық шорт-трекшілер аралас эстафетада іріктеуден өте алмады

Бейжіңде өтіп жатқан Қысқы Олимпиада ойындарында шорт-тректен қазақстандық спортшылар аралас эстафетадан ширек финалда сынға түсті, деп хабарлайды Olympic.kz.

Аралас эстафетада ел намысын Абзал Әжіғалиев, Денис Никиша, Яна Хан, Ольга Тихонова қорғады. 

Алайда, қазақстандық шорт-трекшілер 1000 метрлік қашықтықты өз тобында 2:43,02 уақыт көрсеткішімен бағындырып, үшінші орынға ие болды. 

Бұл көрсеткіш олардың жарысты ары қарай жалғастыруына мүмкіндік бермеді.

Еске сала кетейік, спорттың жеті түрінен 109 медаль жиынтығы сарапқа салынады. XXIV қысқы Олимпиада ойындарына Қазақстан құрамасынан барлығы 34 спортшы қатысуда. Олар 87 жолдама жеңіп алды. Қазақстандықтар шаңғы жарысы, фристайл, акробатика және могул, конькимен жүгіру, шорт-трек, биатлон, тау шаңғысы, тұғырдан секіру, шаңғы қоссайысы сияқты 8 спорт түрінен сынға түседі.

baq.kz