22 Мамыр, 12:15
«Егер кетпесем, кейін өкінетін едім»: Қытайдағы қазақ футболшысы Еуропадан қалай шақырту алдыШымкентте танымал автоблогер Руслан Жанпеисов ұсталды.
Алдын ала мәліметке сәйкес, ол өткен түнді Әл-Фараби аудандық полиция бөлімінде өткізген. Бүгін блогер Әкімшілік құқық бұзушылық туралы кодекстің 667-бабы бойынша сот алдына шығарылады. Аталған бап құқық қорғау органы қызметкерінің заңды талабына бағынбауды көздейді. Бұл бойынша айыппұл немесе 15 тәулікке дейін әкімшілік қамау жазасы қарастырылған.
Оқиға Шымкентте өткен ауқымды рейд кезінде болған. Қалаға өзге өңірлерден, соның ішінде Қарағанды облысынан келген полиция қызметкерлері жол қозғалысы ережелерін тексеріп жүрген. Сол сәтте Руслан Жанпеисов олардың жұмысына араласып, қызметкерлерге қалай әрекет ету керектігін айтып, болған жағдайды видеоға түсірген. Сондай-ақ оқиға орнына жергілікті патруль шақырғаны белгілі болды. Алайда блогердің бұл әрекеттері құқық қорғау органдары тарапынан «заңды талапқа бағынбау» ретінде бағаланып, оған қатысты әкімшілік хаттама толтырылған. Кейін ол ұсталған.
Айта кетейік, бұл Руслан Жанпеисовтың құқық қорғау органдарымен алғашқы дауы емес. 2020 жылы ол денсаулыққа орташа зиян келтіру және билік өкілін қорлау фактілері бойынша кінәлі деп танылып, бір жылға бас бостандығынан айырылған. Қазіргі уақытта іс бойынша сот шешімі күтілуде.