Атырауда кәріз құдығына құлаған 5 жасар бала құтқарылды

Атырауда кәріз құдығына құлаған 5 жасар бала құтқарылды, деп хабарлайды El.kz ақпарат агенттігі.

19 қыркүйек күні сағат 17:48 шамасында полицияға Аққыстау ауылы 1993 ж.т тұрғыны хабарласып, 20 минут бұрын үйінен 5 жастағы ұлының жоғалып кеткені туралы хабарлаған. Сақшылар жедел-іздестіру жұмыстарын дереу басталған.

Шақыру орнына барған полицей баланың дауысын тұрғын үй ауласындағы кәріз шұңқырынан естіп қалып, оны шығарып алуға талпынған. Ол балаға төнген қауіп пен уақыттың тығыздығын түсініп, өзге әріптестерін де көмекке шақырды. Кәріз құдығының аузы тар болғандықтан, бүлдіршінді денесіне жарақат салмай алып шығуға 5 минуттай уақыт кеткен.

Қазіргі таңда баланың денсаулығы жақсы, дәрігерлер тексеруінен өткізілді.