«Атырау» ФК бас бапкер Виталий Жуковскиймен келісімшартты ұзартты. Бұл туралы клубтың баспасөз қызметіне сілтеме жасай отырып El.kz ақпарат агенттігі хабарлайды.
Жуковский «Атырау» клубын 2022 жылғы тамыздан бері баптап келеді. Өткен маусымда мұнайлы өлкенің командасы ҚПЛ-да 34 ұпаймен жетінші орынға табан тіреді.
Бұған дейін ұлттық құраманың бас бапкері Магомед Адиев Виталий Жуковский жайлы оң пікір білдіріп, оның білікті маман екенін алға тартқан.