Басты
Жаңалықтар
Қоғам
«Ата-анасы жасырған». Алматы облысында 9 жасар бала ВИЧ-тен көз жұмды

«Ата-анасы жасырған». Алматы облысында 9 жасар бала ВИЧ-тен көз жұмды

Мөлдір Қайнар
Фото: © Pixabay.com

Алматы облысында АИТВ инфекциясын жұқтырған бала ауруханада көз жұмды, деп хабарлайды EL.kz ақпарат агенттігі.

2014 жылы туған бала мен оның ата-анасы АИТВ инфекциясымен 2016 жылдан бері ЖИТС орталығында есепте тұрған. Ал бұл отбасындағы 2018 жылы туған қызда 2019 жылы АИТВ инфекциясы анықталған.

Бала Алматыдағы №2 қалалық балалар ауруханасына денсаулығының күрт нашарлауына байланысты 9 қаңтарда түскен. Баланы ауруханаға қабылдау кезінде ата-анасы АИТВ инфекциясын жұқтырғанын жасырған. 27 қаңтарда бала сепсис пен пневмониядан, яғни АИТВ-мен байланысты аурулардан қайтыс болды.

Алматы облыстық ЖИТС-ның алдын алу және оған қарсы күрес орталығы баланың ата-анасы өздерінде АИТВ инфекциясы барын жоққа шығарып, дәрі-дәрмек қабылдамағанын айтады. Алматы облысы әкімдігінің өкілдері анасы мен тағы бір баласы 2024 жылғы 26 қаңтардан бастап амбулаториялық негізде вирусқа қарсы ем қабылдауды бастаған, ал әкесі әлі бас тартып отыр.

ВИЧ Бала Ана мен бала өлім
Қысқа да нұсқа. Жазылыңыз telegram - ға

Оқи отырыңыз

{