Астаналық студенттер бес жұлдызды қонақүйде оқиды

Астанадағы алғашқы бес жұлдызды қонақүй ғимаратының иесі табылды, деп хабарлайды El.kz ақпарат агенттігі.

Енді бұл нысанда оқу аудиториялары болады. Бұрынғы қонақүй Денсаулық сақтау министрлігіне берілді.

Оқи отырыңыз:

• Тойға арнайы жасақ келген: Ақтауда қонақтар мен полиция қызметкерлері арасында жанжал туындады
• Назарбаевтың жиен немересі «Транстелекомның» директорлар кеңесін басқаратын болды

25 жыл бұрын есігін айқара ашқан қонақүйдің атауы «Интерконтиненталь» болған. Бұл жер түрлі мемлекет басшылары мен дипломаттар, өзге де беделді қонақтар тоқтайтын орын болатын.

Арада біраз жыл өткенде оның атауы «Рамада Плаза» болып өзгеріп, 2018 жылға дейін жұмыс істеді.

Ал пандемия кезінде қонақүй ауруханаға айналды. Енді бұл жерде студенттер білім нәрімен сусындайды.