Астанадағы көшеде жөндеу жұмысы: учаскелер кезең-кезеңімен жабылады

Көлік және жол-көлік инфрақұрылымын дамыту басқармасы осы жылдың 24 сәуірі мен 1 қыркүйегі аралығында «Бұқар Жырау көшесін №37 көшеден (Жошы хан) Тәуелсіздік даңғылына дейінгі учаскеде салу» жобасын жүргізеді, деп хабарлайды El.kz ақпарат агенттігі.

Елорда әкімдігінің мәліметінше, осыған байланысты көше кезең кезеңімен ішінара жабылады.

Жоба тротуарларды, көшелерді жарықтандыруды, іргелес аумақты абаттандыруды, сондай-ақ бағдаршам объектілерін орнатуды көздейді.

Жобаның аяқталуы осы жылдың соңына дейін жоспарланған.