Астанада үстел теннисінен Азия чемпионаты басталды

Бүгін, 7 қазанда, Астанада үстел теннисінен Азия чемпионаты басталды, деп хабарлайды El.kz ақпарат агенттігі.

ҰОК мәліметінше, оған 26 елден 210 спортшы қатысуда. 

Чемпионатта отандық команда құрамында мына спортшылар бақ сынайды: 

- Кирилл Герасименко;

- Алан Құрманғалиев;

- Искандер Харки;

- Айдос Кенжеғұлов;

- Санжар Жұбанов;

- Сарвиноз Миркадирова;

- Зауреш Акашева;

- Анастасия Лаврова;

- Анель Бақыт;

- Ангелина Романовская.

Жүлделер ерлер және әйелдер арасындағы жекелей сын, командалық, сонымен бірге жұптық және аралас сындар бойынша таласқа салынбақ. 

Жарыс BEELINE ARENA Ұлттық теннис орталығында өтіп жатыр. Көрермендер үшін кіру тегін. Чемпионатты тікелей эфирде Qazsport телеарнасы көрсетеді. Жарыстар күнделікті таңғы сағат 10:00-де басталады. Чемпионат 13 қазан күні аяқталады.