Астанада тасбақамен серуендеген бойжеткен желі жұлдызына айналды

Астана көшелерінде тасбақасымен серуендеп жүрген қыз көпшіліктің назарын аударды, деп хабарлайды El.kz интернет порталы.

Рептилияның жайбарақат тротуармен қозғалып бара жатқан сәті түсірілген қызықты видео әлеуметтік желіде жылдам таралып кетті.

Бейнежазбада тасбақаның соңынан еш асықпай еріп келе жатқан иесі де көрінеді. Желі қолданушылары бұл көрініске қатысты түрлі пікір білдіруде: кейбіреулер тасбақаның жүрісін өз интернет жылдамдығына теңесе, енді бірі оған доңғалақ орнатып, тезірек қозғалуға көмектесу керек деп әзілдеген.

Көпшілік бұл видеоны «күннің ең сүйкімді видеосы» деп атап үлгерді. Ал тасбақа мен оның иесін баяу өмір сүрудің символына айналдырды.