Астанада Қазақстан мен Словения матчына қосымша автобустар қатынайды

Футболдан Қазақстан мен Словения матчынан кейін жанкүйерлер үшін қосымша автобустар қатынайды, деп хабарлайды El.kz ақпараттық агенттігі.

"23 наурызда Қазақстан мен Словения құрамаларының футбол матчынан кейін жанкүйерлерге ыңғайлы болу үшін қосымша №10, 12, 26, 28, 37, 40, 51, 53, 60, 303 қалалық және қала маңы бағдарлары ұйымдастырылады.

Автобустар жанкүйерлерді матчтан кейін аялдамаларда күтеді", – делінген CTS компаниясының хабарламасында.

Матчтың басталуы – 21:00-де. Жол жүру құны 90 теңге, төлем көлік картасымен немесе QR-код сканерлеу арқылы жүзеге асырылады. Жеңілдігі бар көлік карталары жарамды.