Астанада өткен Backstreet Boys концертінде Тазабек көрермендерді баурап алды

21 қыркүйекте «Астана Арена» стадионында өткен аты аңызға айналған Backstreet Boys тобының концертінде көпшілікке таныс кейіпкер – Тазабек жұртты өзіне баурап алды, деп хабарлайды El.kz интернет порталы.

Елорда әкімдігінің мәліметінше, тазалықтың символы концертке «Тазалықты қолдасаң, құшақтасайық!» деген плакатпен келіп, бірден жұрт назарын өзіне аударды. Қала тұрғындары мен қонақтары Тазабекпен суретке түсіп, құшақтасып, сторис түсіріп, әлеуметтік желілерде белсене жариялады. Ол кештің басты кейіпкерлерінің біріне айналып, жастар ғана емес, шетелдік қонақтардың да сүйіктісіне айналды.

Тазабек елорда тұрғындарымен осыған дейін де түрлі шараларда кездескен. Алып қуыршақ ауқымды концертке қатысу арқылы тазалық пен табиғатты қорғаудың маңыздылығын қарапайым түрде насихаттап, жұртқа ерекше көңіл күй сыйлады.