Астанада дезинсекция жұмысының үшінші кезеңі басталды

Астанада маса мен шыбын-шіркейге және өзге де жәндіктерге қарсы кең ауқымды дезинсекциялық жұмыс жүріп жатыр. Жұмыс екі ауысымда өтеді, деп хабарлайды El.kz интернет порталы.

Елорда әкімдігінің мәліметінше, қазіргі уақытта қаладағы кіші және ірі су айдындары өңделіп бітті. Бұдан бөлек, қосымша 300-ге жуық су қоймасы мен батпақты аумақтар анықталып, дезинсекциялық өңдеуден өтті.

Аталған шаралар жәндіктердің санын азайтуға бағытталған. Жұмыс кешкі сағат 21:00-ден таңғы 04:00-ге дейін жүргізіледі және әр кезең айына 20 күнге созылады. Жалпы 6 кезең қарастырылған, қазіргі уақытта өңдеудің үшінші кезеңі басталды.

Жұмысқа арнайы дайындықтан өткен, қауіпсіздік техникасы бойынша нұсқаулық алған кәсіби дезинфекторлар тартылған, - делінген мәліметте.

Дезинсекция кезінде мынадай қауіпсіздік шараларын сақтау маңызды:

• Өңделіп жатқан аумаққа бармау;
  • Өңдеу кезінде терезелерді жабу.