Астанада белгісіз біреулер Назарбаевтың портретін қоқыс контейнеріне іліп кеткен

Астана тұрғыны қоқысқа арналған контейнерлердің үстінде ілініп тұрған Нұрсұлтан Назарбаевтың суретін видеоға түсіріп алған, деп хабарлайды El.kz ақпарат агенттігі.

Портретті шығарып тастаған адам оны қоқыс контейнеріне салғысы келмеген тәрізді, сондықтан оны сол жерге іліп қойған.

Видео әлеуметтік желіде жарияланды, Астанада түсірілген деген болжам бар.

Айта кетейік, 2024 жылғы қаңтарда Назарбаевтың ескерткіші Қарулы күштердің Мемлекеттік әскери-тарихи музейіне қойылады деп айтылған.