Әскери борышын өтеуге шақырылған 2600 азаматтың несиесін төлеу кейінге шегерілді

Әскерге шақырылған 2600-ден астам азаматтың несиесін төлеу кейінге шегерілді. Бұл туралы Қорғаныс министрінің орынбасары Дархан Ахмедиев орталық коммуникациялар қызметі алаңында өткен онлайн брифингте мәлімдеді, деп хабарлайды El.kz ақпарат агенттігі.

Оқи отырыңыз:

• Елордада "Ғашықтар" атты киноновелла көрерменге жол тартпақ
• Оралда 64 жастағы ер адам көп қабатты үйден секіріп кетті

Әскери қызметтің беделі мен тартымдылығын арттыру мақсатында Қорғаныс министрлігі Қаржы нарығын реттеу және дамыту агенттігімен бірлесіп, мерзімді қызметтегі әскери қызметшілерге банктік қарыздар мен микрокредиттер бойынша төлемдерді кейінге қалдыруды ұсынуды ұйымдастырды. Бүгінгі таңда 2600-ден астам мерзімді әскери қызметке шақырылған азаматтардың барлық санынан қарыздар бойынша төлемдерді кейінге қалдыру үшін уақыт берілді. Жобаның ұзақ мерзімді сипатын ескере отырып, жеке өтінішсіз проактивті форматта кредитті төлеуді тоқтата тұру мүмкіндігін ұсыну алгоритмі әзірленді. Бұл алгоритм даму сатысында, - деді Қорғаныс министрінің орынбасары Дархан Ахмедиев.