Ақтөбеде ауыл шаруашылығы жәрмеңкесі өтті

Ақтөбеде "Табыс" коммуналдық базарында ауыл шаруашылығы жәрмеңкесі өтті, деп хабарлайды El.kz интернет порталы.

Лнда "Ауыл аманаты" бағдарламасына қатысушыларды қоса алғанда, облыс орталығында да, оның аудандарында да өндірілген түрлі өнімдер ұсынылды. Жәрмеңкеге келушілер тоннадан астам ет, сондай-ақ шұбат, қымыз, құрт, сүзбе, сары май, жұмыртқа, түрлі нан-тоқаш және кондитерлік өнімдер, көкөністер және басқа да жоғары сапалы табиғи өнімдерді сатып алуға мүмкіндік алды.

Бұл жәрмеңкенің маңызды артықшылықтарының бірі орташа нарықтан 10-15% төмен бағалар болды.

Айта кету керек, мұндай іс-шаралар облыс орталығында үнемі өткізіліп тұрады, бұл Ақтөбе тұрғындарына сапалы өнімдерді тиімді бағамен сатып алуға мүмкіндік беріп, сонымен қатар жергілікті өндірісті қолдау мен дамытуға ықпал етеді.