Басты
Жаңалықтар
Оқиға
Ақтөбеде 24 жыл бойы жасырынып жүрген ресейлік қылмыскер ұсталды

Ақтөбеде 24 жыл бойы жасырынып жүрген ресейлік қылмыскер ұсталды

Берік Арманов
Фото: Видеодан алынған кадр

Ақтөбе полицейлері ресейлік құқық қорғау органдарынан 24 жыл бойы жасырынған қылмыскерді ұстады, деп хабарлайды El.kz ақпараттық агенттігі.

ІІМ мәліметінше, криминалдық полиция басқармасының қызметкерлері үш адамды өлтіргені және қарақшылық шабуыл жасағаны үшін өз елінде іздеуде жүрген Ресей Федерациясының 56 жастағы азаматын ұстады.

Ол 1999 жылдың күзінде Орынбор қаласында адамдар тобымен (бұрын сотталған және ұсталған 3 адаммен) алдын ала сөз байласып, қаржылай пайда табу мақсатында 3 азаматқа қарақшылық шабуыл жасап өлтірген және қылмыс іздерін жасыру үшін олардың мәйіттері өртеп, көміп тастаған, - делінген мәліметте.

Қазіргі уақытта ұсталған адам тергеу изоляторына қамалды. Оны Ресей Федерациясына экстрадициялау мәселесі шешілуде.

Ақтөбе Ресей қылмыскер
Қысқа да нұсқа. Жазылыңыз telegram - ға

Оқи отырыңыз

{