Ақтөбе облысында олимпиадаға бара жатқан екі оқушы мен мұғалім қаза тапты

Ақтөбе облысында жол апаты салдарынан екі оқушы мен мұғалім қайтыс болды, деп хабарлайды EL.kz ақпарат агенттігі.

Ақтөбе облысының Білім басқармасының мәліметінше, 19 желтоқсанда жергілікті уақыт бойынша шамамен 08:45-те Самара-Шымкент тасжолында, Ырғыз ауданы, Қызылжар ауылының маңында жол апаты болған. Қазір оқиғаның мән-жайы анықталып жатыр.

Алдын ала мәліметтер мен куәгерлердің сөзіне қарағанда, жол-көлік оқиғасы салдарынан үш адам қаза тапқан: Республикалық олимпиаданың облыстық кезеңіне қатысуға бара жатқан екі оқушы мен бір мұғалім, - делінген Ақтөбе облысының Білім басқармасы хабарламасында.

Оқиға туралы қосымша ақпарат тағы да хабарланатыны айтылды.