19 Қараша, 15:00
Алты жыл күткен тарихи оқиға: Қазақстанда UFC турнирі қашан өтеді?Ақтөбе облысының әкімі Асхат Шахаровтың төрағалығымен өткен жиында құрылысы ұзаққа созылған нысандар мен мемлекеттік тапсырысқа немқұрайлы қараған жекелеген мердігерлік ұйымдардың мәселелері қаралды, деп хабарлайды El.kz ақпарат агенттігі.
Облыстық әкімдік мәліметінше, жиынға мердігер ұйымдардың өкілдері, сондай-ақ бейнеконференц байланыс режимінде облыстың 12 ауданының әкімдері қатысты.
Қазіргі уақытта облыста құрылысы уақытылы аяқталмаған 31 нысан бар, олар – білім беру және денсаулық сақтау нысандары, спорт кешендері және тұрғын үйлер.
Өңір басшысы осы нысандардың құрылысын аяқтау үшін елеулі шаралар қабылдау қажеттігіне айырықша назар аударды. Жосықсыз, жұмысына салғырт қараған мердігерлермен арадағы келісімшарттардың тоқтатылуы керектігі атап өтілді. Бүгінгі күні 10 компаниямен келісімшарт бұзылып, жаңа мердігерлер анықталды. Кейбірінің жұмысын тоқтату үшін сот процесі жүргізілуде. Құрылыс, сәулет және қала құрылысы басқармасының жоспары бойынша биыл 22 нысан халық игілігіне беріледі, - делінген мәліметте.
Асхат Шахаров нысандарды, әсіресе, әлеуметтік маңызға ие нысандарды салу үшін әр мердігер мемлекеттік сатып алуларға ерікті түрде қатысқанын, жауапкершілік өздерінде екенін тілге тиек етті.
Мемлекеттік сатып алулар конкурсы өткізіледі. Конкурсты ұтып алған мердігер компаниялар барлық талабын, қандай жұмыстар атқаратынын біледі. Келісімін береді. Соның өзінде, осындай жауапкершіліктен жалтарады. Барлық мердігер компания өкілдеріне айтарым, егер де нысандардың құрылысын уақытылы аяқтамай, жұмыстарыңызға немқұрайлы қарайтын болсаңыздар, халыққа, әсіресе, ауылда тұратын тұрғындарға берілген уәдені орындамасаңыздар, заң жүзінде ең қатаң шаралар қабылданады. Ел бұл нысандарды күтіп отыр, - деп облыс әкімі сөзін түйіндеді.
Жиын қорытындысы бойынша барлық жауапты мемлекеттік органдардың басшылары құрылысы ұзаққа созылған нысандарды пайдалануға беру үшін түбегейлі шаралар қабылдауға міндеттелді.
19 Қараша, 15:00
Алты жыл күткен тарихи оқиға: Қазақстанда UFC турнирі қашан өтеді?12 Қараша, 14:42
Сән мен жылдамдық үйлесімі: әлемдік сән үйлері қолтаңбасын қалдырған бес автокөлік10 Қараша, 17:27
Картада болмаған құпия қала: Шағанның ұмыт қалған тарихы9 Қараша, 13:41
Әкімшілік айыппұл: тексеру, төлеу және шағымдану жолдары