Ақтауда төрт ай бойы ыстық су болмайды

Ақтау төрт айға ыстық сусыз қалады, деп хабарлайды El.kz ақпарат агенттігі. Мұндай шешім қала әкімінің орынбасары Тілек Нұрпейісовтің төрағалығымен өткен штаб отырысында қабылданды.

МАЭК хабарламасында былай делінген:

Биылғы мамыр айынан бастап магистральдық жылу құбырларын қайта жаңартуға байланысты жазғы кезеңде қалаға ыстық су беру тоқтатылсын.

Естеріңізге сала кетейік, алдағы 2024-2025 жылдардағы жылу беру кезеңіне сапалы дайындалу үшін «Ақтау қаласының магистральдық жылу желілерін қайта құру және салу» жобасы аясында «МАЭК» ЖШС-не тиесілі желілерді ауыстыру бойынша ауқымды жұмыстар басталды.

 «МАЭК» ЖШС бұл шаралар қала тұрғындарының жайлылығын қамтамасыз ету үшін жасалатынын ескертіп, осы жұмыстар барысында туындайтын қолайсыздықтар үшін тұрғындардан кешірім сұрайды, - деп қосты мекемедегілер.

Облыс орталығында жылы беру маусымы 15 сәуірде аяқталды.