Ақтауда өрт кезінде шетелдік азаматты күйік шалды

Ақтаудағы шағын ауданындардың бірінде орналасқан көлік дөңгелегін жөндеу орнында өрт шықты, деп хабарлайды El.kz ақпарат агенттігі mangystaumedia.kz-ке сілтеме жасап.

Маңғыстау облыстық төтенше жағдайлар департаментінің мәліметінде, тілсіз жау біраз аумақты шарпыған.

13 ақпан күні кешкі сағат 21:40 шамасында 28а шағын ауданындағы көлік дөңгелегін жөндеу орнында (42 ш.м. алаңда) көліктің дөңгелектерінің өртенуі тіркелді. Оқиға орнына дереу ТЖД жеке құрамның 12 адамы және 3 арнаы техникалсы келді. Өрт сағат 22:04 толық жойылды. Өрт сөндірушілер көлемі 40 литр болатын 2 газ баллонын шығарды, - деді ТЖД баспасөз қызметі.

Сондай-ақ, ТЖД баспасөз қызметі апат кезінде термиялық күйікпен өртке қарсы қызмет келгенге дейін Өзбекстан Республикасының азаматтары жеткізіліп, ауруханаға жатқызылғанын атады. Қазіргі уақытта оның жағдайы ауыр. Ал оқыстан шыққан өрттің себебі анықталып жатыр.