«Ақсу» ойыншысы Кувейт чемпионатына ауысты

«Ақсу» ойыншысы Тони Силва Кувейт чемпионатындағы «Казма» деген клубқа ауысты, деп хабарлайды El.kz ақпараттық агенттігі.

Түркиялық басылымдар Тонидің Кувейтте айына 17 мың АҚШ долларын алатынын жазуда.

Комментатор Ермұхамед Мәуленнің хабарлауынша, Силваға түрлі бонустар да қарастырылған.

Демек Тони Силва бір жылда 200 мың еуро көлемінде табыс табады, - деп жазды Мәулен.

Тони Силва Гвинея-Бисау тумасы. Қазақстанда ол «Ақсудан» бөлек «Тобыл», «Тараз» және «Тұран» клубтарында ойнады.