Ақмола облысында жылқылар аштан өліп жатыр

Ақмола облысында жаппай мал қырылып жатыр, деп хабарлайды El.kz ақпарат агенттігі.

Жылқылар аштан қырылып жатыр. Себебі қыста жаңбыр жауып, жер беті тоң болып қатып қалған. Одан қалды боран да артық қимылға мүмкіндік бермей тұр.

КТК мәліметінше, соның салдарынан Біржан сал ауданында бір үйірдегі 53 бас жылқы аштан өлген. Осындай жағдай өңірдегі барлық елді мекендерде қайталанып жатыр.

Енді жергілікті жылқышылар көмек сұрауда.

Жылқылар құлап жатыр. Жағдай өте қиын болып тұр. Үкіметтен ешқандай шара жоқ. Бүкіл жылқышылардың жанайқайы бұл. Көмек сұраймыз! – деді жылқышы Темірбек Ғалымов.