Ақмола облысында жетім балаға берілген үйде екі жыл бойы шенеунік тұрған

Ақмола облысында балалардың мемлекеттік тұрғын үй қорынан баспана алу құқығы бұзылған, деп хабарлайды El.kz ақпарат агенттігі.

Облыстық прокуратура мәліметінше, 33 бала заңсыз түрде есептен шығарылған, 8 бала уақытында кезекке қойылмаған, ал 1 балаға мүлде тұрғын үй беруден бас тартылған.

Мысалы, аудан орталықтарының бірінде жетім балаға арналған пәтерде екі жыл бойы мемлекеттік мекеме басшысы тұрған. Қадағалау актісі бойынша пәтер қайтарылып, балаға берілді, қазіргі уақытта басқа балалардың бұзылған құқықтарын қалпына келтіру шаралары қабылдануда, - делінген мәліметте.