Ақмола облысында 1500-ден астам адам шаңғы жарыстарына қатысты

Ақмола облысында жаппай шаңғы жарыстары белсенді түрде өтіп жатыр. 2025 жылдың алғашқы күндерінде осы спорттық шараларға 1500-ден астам адам қатысты, деп хабарлайды El.kz ақпарат агенттігі.

Облыстық әкімдік мәліметінше, «Ауылға шаңғы жолы» қайырымдылық жобасы аясында «Қазақстан халқына» қоры облыстың 12 спорт мектебіне 801 жұп қысқы шаңғы жабдығы мен 230 жұп шаңғыроллер сатып алды. Бұл шаңғы жарыстарына қатысу мүмкіндігін кеңейтіп, өңірдегі спорттық дәстүрлерді қолдауға мүмкіндік береді.

Жарыстар облыстың әр ауданында және қаласында өткізілуде. Қазіргі уақытта 12 спорттық шара өтті.

Ең жас қатысушы Бұланды ауданының 5 жасар тұрғыны Полина Прилепенко болды. Ал ең егде жастағы қатысушы 1947 жылы туған Сандықтаудың тұрғыны 78 жастағы Юрий Хлебников болды.