Apple жаңа эмодзилерді таныстырды

Apple әзірлеушілерге арналған сынақ нұсқасына сегіз жаңа эмодзи қосты. Бұл туралы MacRumors хабарлады.

Жаңа эмодзилердің қатарында тромбон, қазына толы сандық, үрленген бет, йети, төбелесті білдіретін бұлт, косатка, көшкін және балет әртісінің бейтарап нұсқасы бар. Сондай-ақ төбелесіп тұрған адамдар мен қоян киіміндегі кейіпкерлерге арналған эмодзилерге жаңа тері реңктері енгізілді.

Бұл белгілер 2025 жылдың күзінде ұсынылған Unicode 17 жаңартуына кіреді. Әдетте Apple жаңа эмодзилерді енгізуге бірнеше ай уақыт жұмсайды, өйткені әр белгіге жеке дизайн дайындалады.

Компания жаңа эмодзилерді көбіне көктемгі жаңартулармен бірге ұсынады. Мәселен, өткен жолы 2025 жылдың наурызында шыққан iOS 18.4 нұсқасында көзінің асты ісінген бет, саусақ ізі, жапырақсыз ағаш, тамыржеміс, арфа, күрек, бояу дағы және Сарк аралының туы қосылған еді.