Әнші Алмас Кішкенбаев бостандыққа шықты

Ұсақ бұзақылық жасады деп 15 күнге әкімшілік қамауға алынған әнші Алмас Кішкенбаев бостандыққа шықты, деп хабарлайды El.kz ақпарат агенттігі.

Сот мәліметінше, ол масаң күйде жасөспірімге тиісті деп айыпталған. Ал әртістің өзі ештеңе есінде жоқ екенін айтқан. 

Айта кетейік, 2007 жылғы бала кешкі тоғыз шамасында үш бөтелке сыраны жеткізу туралы тапсырыс алған. Ол дүкенге кіріп, сыраны алып, тапсырыс берген адамға апарып берген. Бұл туралы журналист Михаил Козачков телеграм-арнасында жазған болатын.

17 жастағы баланың сөзінше, сыраға 40 жастағы ер адам тапсырыс берген. Тапсырыш беруші алкогольді алып, артынша курьерге бірге отырып ішуді ұсынған. Одан бөлек, ер адам кәмелетке томаған баланың интимдік жерлерінен ұстамақ болған. Курьер бірден өз үйіне кетіп қалып, бәрін әкесіне айтып берген. Ал әкесі бұл жайт туралы полицейлерге хабарлаған. Полицейлер тексеріс жүргізу үшін пәтерге барып, тапсырыс берген адамды бөлімшеге алып кеткен. Күдіктінің аты – Алмас Кішкенбаев, - деп жазған болатын Михаил Козачков.

Осыдан кейін сот отырысы өтіп, әнші 15 тәулікке әкімшілік қамауға алынды.