Ангелина Лукас әлемдік рейтингтің төртінші сатысына көтерілді

Қазақстанның кәсіби бокс тарихында тұңғыш рет  Қарулы күштердің спортшысы Ангелина Лукас 200-ден аса әйел боксшылар арасында әлемдік рейтингте төртінші орынға ие болды, деп хабарлайды El.kz ақпарат агенттігі.

Отандық спортшының есебінде кәсіби шаршы алаңдағы 14 жеңісі, одан өзге Ангелинаның бокстан әлем чемпионы атағы бар.  

Әлемнің абсолютті чемпионы атағына ресми үміткер бола тұра, мен Қазақстанды және Қарулы күштерді дәріптеу үшін бар күшімді саламын, – деп жаңалығымен шабыттана бөлісті боксшы қыз.

Осы мақсатта армия спортшысы халықаралық аренада өзінің мықты кәсіпқой боксшы екенін көрсетіп, сенімді түрде әрі үздіксіз жеңіске жетіп жүр.

Титулды спортшының жетістіктерінің қатарында 21 күнде өткізген үш жекпе-жегі бар. Оны спортшы Гиннестің рекордтар кітабына тіркеуге ниетті.

Айта кетейік, Анлегина Лукас - Қорғаныс министрлігі Армия орталық спорт клубы спортшысы.