«Алтын доп-2023» жүлдесінің фавориттері белгілі болды

«Алтын доп-2023» жүлдесін жеңіп алатын фавориттердің жаңартылған рейтингі шықты, деп хабарлайды El.kz ақпарат агенттігі.

Goal интернет-басылымының хабарлауынша, биылғы жүлдеге ПСЖ клубының бұрынғы шабуылшысы, қазір «Интер Майами» командасында ойнап жүрген Аргентина құрамасының капитаны Лионель Месси басты үміткер болып отыр.

Екінші орында «Манчестер Сити» мен норвегиялық футболшы Эрлинг Холанд тұр. Үздік үштікті Мессидің бұрынғы ПСЖ клубындағы командаласы Килиан Мбаппе түйіндеді.

Айта кетейік. Месси – «Алтын доп» сыйлығын 7 рет, «Алтын бутсы» премиясын 6 рет алған тарихтағы жалғыз футболшы.