Алматыға жарты жылда 715 млрд теңге инвестиция тартылды

Биыл 6 айда Алматыда негізгі капиталға 715 млрд теңге инвестиция тартылды, деп хабарлайды El.kz ақпарат агенттігі.

Алматы қаласы Кәсіпкерлік және инвестициялар басқармасының мәліметінше, өсім 15,8% тең. Жеке инвестиция 21,1% өсіп, 656,4 млрд теңгеге жетті.

Әсіресе, инвестиция IT-сектор (3,8 есе өсу), туризм (2,5 есе), өңдеуші өнеркәсіп (2 есе), денсаулық сақтау (2 есе) және көлік саласында (+47,1%) байқалған.

2024 жылы негізгі капиталға салынған инвестиция көлемі 10% өсіп, нақты өсім 2 трлн теңгеден астам сомаға бағаланды.