Алматыдағы автобус апаты: Жолаушының жүргізушіні ұрған видеосы таралды

Әлеуметтік желіде Алматыда үш адамның өліміне себеп болған автобус апатынан тағы бір видео тарады, деп хабарлайды EL.kz ақпарат агенттігі.

Kris_p_almaty Telegram-арнасында тараған видеода ер адам жүргізушімен сөйлесіп тұрып, кейін екі рет ұрып жіберген. Осы сәтте басқа жолаушы оларға ара түспек болады. Кейін көлік соқтығысқан сәт те видеоға түсіп қалған.

Оқиға кеше сағат 18.15-те болған. Алматы полиция департаменті мәліметінше, №47 бағыттағы қоғамдық көліктің жолаушысы көлікті басқарған әйел жүргізушіні ұрған, жанжал салдарынан жүргізуші есінен танып қалған. Салдарынан автобус аялдама маңында тұрған адамдарды қағып, төрт көлікпен соқтығысқан.