Алматыда жүк көлігінің астында қалған 7 жасар қыз қайтыс болды

Алматы қаласында жеті жасар қыз жүк көлігінің астына түсіп көз жұмды, деп хабарлайды El.kz ақпарат агенттігі.

Жол-көлік оқиғасы Алатау ауданында 2 сәуір күні сағат 12:17-де болды.

Renault маркалы жүк көлігінің жүргізушісі Бурундай көшесімен батыс бағытта келе жатып, Новое көшесімен қиылысқан тұста жеті жасар қызды қағып кеткен.

Бала жаяу жүргіншілер жолағынан өтіп бара жатқан. Өкінішке қарай, қыз бала оқиға орнында көз жұмды. Адам өліміне әкеп соққан жол апаты бойынша Алматы қаласы Полиция департаментінің тергеу басқармасы қылмыстық іс қозғады. Барлық қажетті сараптама тағайындалады, – делінген полиция мәліметінде.