Алматыда заманауи балалар кітапханасы ашылады

Алматыдағы «Жас Қанат» тұрғын үй кешенінде қалалық кітапханалардың интерактивті аймақтар, цифрлық қызметтер, шеберханалар және шығармашылық кеңістіктермен жабдықталған жаңа филиалы ашылады, деп хабарлайды El.kz интернет порталы.

Қала әкімдігі бұл идея Алматы кітапханашыларының Эстония, Финляндия және Швецияда тағылымдамадан өтуінен кейін пайда болғанын атап өтті. Аталған елдерде олар STEAM-тәсілден бастап, Хельсинкидегі әйгілі OODI кітапханасындағы цифрлық өзін-өзі қызмет көрсету жүйесіне дейінгі үздік тәжірибелерді зерттеген.

1 қыркүйектен бастап — бірінші сынып оқушылары үшін «ашық есік күндері» өтеді. Ал ересектерге компьютерлік сауаттылық курстары ұйымдастырылады.

Айта кетсек, Алматы кітапханалары оқу орны емес, білім, технология және мәдениет орталықтарына айналып келеді. Қазіргі таңда ашық филиалдар тәулік бойы жұмыс істейді. Метро мен сауда орталықтарындағы өзін-өзі қызмет көрсету бекеттері, almatylibrary.kz цифрлық порталы, инклюзивті және шығармашылық кеңістіктер қолжетімді.