Алматыда тыйым салынған орында суға түскен 4 азамат әкімшілік жауапқа тартылды

Алматының су айдындарында жазатайым оқиғаларды болдырмау мақсатында қалалық Төтенше жағдайлар департаменті алдын алу іс-шараларын жүргізуді жалғастырып жатыр, деп хабарлайды El.kz ақпарат агенттігі.

Қазгидрометтің мәліметінше, мегаполистегі ауа температурасы – 35-38 градус. Бұл Алматы қаласының тұрғындары мен қонақтарын суға түсуге итермелейді.

Оқи отырыңыз:

• Алматыда қатерлі ісікке шалдыққан науқастардың саны артқан
• Алматы облысында 5 адам өрттен құтқарылды

Өткен аптадағы рейд барысында 3 800-ге жуық жадынама таратылды. Су айдындарындағы қауіпсіздік ережелерін бұзғаны үшін ҚР ӘҚБтК-нің 412-бабы бойынша 4 адам әкімшілік жауапқа тартылып , 97 000 теңге айыппұл арқалады, - деп жазылған ТЖД хабарламасында.

Жауапқа тартылған азаматтар тыйым салынған жерлерде, яғни, Шаңырақ шағынауданындағы Үлкен Алматы өзені (Алатау және Бостандық ауданы), Қарасу өзенінің сағаларында (Шестуха) (Түрксіб ауданы) суға түскен.