Алматыда көлік жолды кесіп өтпек болған әйелді қағып мерт қылды

Алматыдағы әл-Фараби даңғылында, "Есентай Молл" сауда орталығына қарама-қарсысында жол апаты болды. Бұл туралы Zakon.kz сайтына сілтеме жасай отырып El.kz ақпарат агенттігі хабарлайды. 

Белгіленбеген жерден жолды кесіп өтпек болған 1989 жылғы келіншекті жеңіл көлік қағып, мерт қылды.

Алдын ала ақпарат бойынша, оқиға орнынан бірнеше ондаған метр қашықтықта жаяу жүргіншілерге арналған жерасты өткелінің болғанына қарамастан әйел адам көліктер жүйіткіп жатқан жолды кесіп өтпекке бел буған. 

Куәгерлердің айтуынша, келіншек жолдың бір бөлігін кесіп өтіп, ортада сәл аялдап, үлгеремін деп ойлаған болуы керек, келесі бөлігінен де жүгіріп өтпек болғанда шығыс бағыттан келе жатқан BMW X6 көлігінің астына түскен.