Алматы салықтары республикалық бюджеттің 28%-ын қамтамасыз етеді

Бұл туралы мәслихаттың VII сессиясында Алматы әкімінің орынбасары Асқар Әмрин мәлімдеді. Ол өз сөзінде Алматы республика бюджеті үшін негізгі донорлардың бірі болып қала беретінін ерекше атап өтті, деп хабарлайды El.kz ақпараттық агенттігі.

Алматы бірнеше жылдан бері республикалық бюджетке берілетін салық түсімдері бойынша көшбасшылардың бірі болып келеді.

Оқи отырыңыз:

• 94 мың түлекке 73 мың грант: білім сапасы төмендей ме?
• «Қазақстан халқына» қоры 850 білім грантын бөлді

2023 жылы мемлекеттік бюджетке түсетін қаржы көлемі шамамен 3 трлн теңгені құрады, оның ішінде республикалық бюджетке 2,1 трлн теңге немесе 72%. Қаланың жергілікті бюджетіне түсетін түсімдер 129%-ға асыра орындалды және 843 млрд теңгені құрады, - деді Асқар Әмрин депутаттарға.

Кірістер өсуінің жоғары қарқынын ескере отырып, мегаполис үшін жалпы сомасы 81,9 млрд теңгеге негізгі жобаларды қосымша қаржыландыруға мүмкіндік туды.